نصائح الجولة السادسة من الفانتازى وتحليل متكامل لمباريات الجولة السادسة - Fantasy Expectations of the Sixth round

نصائح الجولة السادسة من الفانتازى وتحليل متكامل لمباريات الجولة السادسة

نصائح الجولة السادسة من الفانتازى وتحليل متكامل لمباريات الجولة السادسة  

اهلا بكل زائرى موقع ايجى ستار 2020 اليوم سنقدم لكم تحليل متكامل عن مباريات الجولة السادسة من الدورى الانجليزى

لكى تتمكن عزيزى القارئ من اختيار افضل اللاعبين المتوقع تألقهم فى الجولة السادسة مقارنة بسهولة او صعوبة الخصم 

لكل لاعب ...


1️⃣  استون فيلا & ليدز


🔸 استون فيلا سجل 12 هدف - استقبل 2  - 3 كلين - 12 نقطه علامه كامله

🔸ليدز يونايتيد سجل 9 اهداف واستقبل 9 اهداف وطلع كلين شيت وحيد

🔸 استون فيلا ماتشاتها مقبوله بعد ليدز هيقابلوا الساوث . ارسنال . برايتون . ويستهام 

🔸ليدز ماتشاتها هتبقي صعبه هيقابلوا . ليستر ، كريستال ، ارسنال ، ايفرتون . 

🔸استون_فيلا بتقدم موسم حلو جداً حتى الان ودفاعيا متماسكين جدا لو عندك حد من دفاعهم لعبه ف اي ماتش

فرص عالية في الكلين

احسن خيارات دفاعيه الحارس مارتينيز ومينغز وكونسا وتارجت ودا بالترتيب كدا .

مينغز وكونسا بيلعبو براسهم كتير وحلو اوي تارجت الباك الشمال ب ٤ونص مليون بيزيد كتير

وبيشوط فاولات واعتقد هيبقى لاعب مؤثر الفترة الجاية حتى لو مفيش كلين ممكن يخطف جون او اسيست

🔸هجوميا فريق عالي اوي بس هكلم عن كذا لاعب ونركز مع بعض

- باركلي فكروا فيه الفتره الجايه ب 5.9 

 ممكن تجيبه جدول استون فيلا مشجع جدا - طبعاً باركلى اناني جدا واللاعب الاناني دا مفيد فانتازيا 

 وكمان ليدز مش قوي دفاعيا ممكن يسجل ويصنع تلاقيه جايب نقاط حلوه

- جيرليتش الواد دا ميزان الفريق بس مشكلته الوحيده بيرجع ورا كتير لانه لاعب مقاتل وكابتن حقيقى

مش مجرد لاعب يحمل الشارة . لكن بيلعب كورنرات وممكن تلاقيه عامل اسيست اكتر من انه يسجل .

 بس متستناش منه كل ماتش حاجه لانه لاعب مزاجي الى حد كبير لما بيكون فايق بيبقى عالي اوي

وبالنسبالى هو احسن اللاعبين اللي بى٧ مليون يتفوق على زاها وبارنس ليستر

- واتنكس ما زال خيار هجومي ممتاز بسعره دا او افضلهم بالاخص اننا شوفنا ال بسعره ميتروفيتش

ال من اول جوله قولنا مش الموسم اللى هيتألق فيه لان فولهام جماعياً ضااااااايعه 

- مكجن اللاعب دة متميز جدا وبيزيد كتير وبيشوط ونحلة فى وسط الملعب ورخيص ب ٥ونص

ممكن تجيبه تكمل بيه تشكيلتك من احسن اللاعيبة في الفئة السعرية دي

🔸 لو لسه عندك وسط من ليدز اعتقد دى مفترض يكون اخر مباراه ليه معاك سواء كوستا كيليتش هاريسون

ولو هتسيب منهم حد يبقى ممكن تسيب كليتش عشان ضربات الجزاء

🔸بامفورد لو عندك سيبه مش وحش ، اه ماتشاته صعبه بس ليدز هجومي حلو والولد جعان كورة بيضيع فرص كتير

بس خطير عالجون وعلى طول جوة ال ١٨ وبياخد اماكن بشكل ممتاز . 

🔸 الكلين شيت الاتنين هيضيع وان كان حد اقرب للكلين فهيكون استون فيلا 

دالاس وايلينج باكات ليدز لسه مشوفناش منهم المتوقع وهيتالقوا في الماتشات الجاية

لو عندك حد منهم لعبه بس متجيبش حد منهم لو معندكش


🔸ابرز الخيارات :

- واتنكس ، باركلي ، كونسا جريليش، بامفورد

#بلاش_كبتنه من الماتش دا خالص الا لو كنت عاوز ريسك ومنصحش به مش وقته



2️⃣ ويستهام & المان_ستي

🔸الستي صدمنا الموسم دا لسه مشوفناش القوه الهجوميه  زي الموسم ال فات 

🔸الستي سجل 7 اهداف واستقبل 7 وطلع كلين وحيد ، ماتشاته الجايه شيفيلد ، ليفربول ، توتنهام ، بيرنلي . 

🔸 ويستهام سجلت 11 ودخل فيها 7 وطلعوا 2 كلين وع فكره ماتشاتهم كانت صعبة جدا

فدا مش وحش تقريبا بعد السيتى وليفربول متشاتهم بعد كدة كويسة جدا وهبدأ انصح بلاعبيهم 

🔸مبدايا كدا متبصش مع الستي لماتشات صعبه او جدول سهل .

الستي ف اي وقت يقدر يستعيد الفورمه ويطيحوا ف الفرق . وكمان معدل تسجيلهم لو فاقوا اتوقع هيكون عالي اووووي 

🔸#اجويرو هيبدا اساسي الماتش دا ونسبه امتلاك 2 % بس لو عايز تجيبه هاته وممكن تكبتنه طلع بدري ف الابطال

🔸لو حصل روتيشن فالاقرب هيكون لسترلينج بقاله 4 ماتشات بيلعب 90 دقيقة و مبيريحش وهو

 خيار حلووو اوي سيبه بس بلاش كبتنه لانه فى الاخر متقلب المزاج - اه ممكن يسجل ويجيب نقط حلوه .

لكن ممكن مع جوارديولا دكه وينزلك اخر دقيقه او يبدأ به بس يخرج قبل الدقيقة 60 . 

🔸#دي_بروين المدرب قالك هيرجع التدريبات الجمعه ممكن يلحق الماتش بس لو لسه عندك سيبه متبعوش ع ماتش بنسبه كبيره

ممكن يشارك بديل او يطلع بدري فلعبه بس متكبتنوش لحد ما نشوفه ويستقر اساسى 

🔸توقعى الشخصي هيلعب ب فودين اجويرو سترلينج او بيرناردو . 

🔸بلاش #محرز خاصة لو تأكد عودة دى بروين

🔸بن رحمه مضي وخلص بس استني عليه ماتشين تلاته يدخل ف الفورمه كمان وسط ويستهام كتير اوووي واجهز حالياً

فمظنش هيبدا بيه الماتش دا - اصبر نشوفه ف الملعب ويعدوا الماتش دا والليفر ، بعدها عندهم فولهام و شيفيلد 

🔸كانسيلو خيار قدام بس اصبر ماتش الليفر يعدي لان ميندي اتصاب واظن كانسلو هيكون اضمن مدافع للسيتي الموسم دا خصوصا

بعد اللى قدمه فى مباراه ارسنال ودوره التكتيكي الرهيب اللى اجبرنى انى اصفق له بعد اللقاء رغم حزنى بهزيمة ارسنال :D

🔸لو عندك دفاع من ويستهام متلعبوش اصلا فى مباراة زى دى .

دفاع السيتي مش قوي لو عندك انطونيو او بوين من ويستهام لاعبهم عادي ممكن يسجلوا

🔸نسبه كلين متوسطه للستي . واتوقع الستي هتفوق ع الماتش دا وهيسجلوا بشكل مرضى 


🔸ابرز الخيارات :

اجويرو ، سترلينج ، دى بروين ، فودين 



3️⃣ ايفرتون & الساوث 

🔸ايفرتون سجل 14 هدف ، استقبل 7 ، طلع كلين ، ماتشاتهم الجايه الساوث ، نيوكاسل ، اليونايتيد ، فولهام ، ليدز

🔸الساوث سجل 8 استقبل 9 طلع 2 كلين عندهم استون ، نيوكاسل ولفر ، اليونايتيد 

🔸مش هعيد كلام كل جوله كلفرت وجيمس مفيش كلام يتقال لو لسه معندكش كلفرت ع الاقل فأنت بتهزر

وجيمس فى احتمال كبير ميلحقش المباراه لانه خد كدمة فى لقاء اليفر الاخير نقدر نقوله سيبه اساسي لو عندك لو ف احتمال 5 %

انه يلعب مش هتندم لو ملعبش عادي خساره تبيعه ع ماتش غياب 

🔸ريتشا هيغيب 3 ماتشات بسبب طرد مباشر

🔸طبقا لل شوفناه الجولات ال فاتت فاي حد بيلعب قدام الساوث وسريع ممكن يسجل وبسهولة

شوفنا سون قدامهم وشوفنا فيرنر الماتش ال فات - اقصد من الاخر لوين توقع منه نقط كويسه كمان والاتنين اوبشن ممتاز

وانك تجيب دبل منهم عادي جدا فسيب جيمس 

🔸الساوث الواد ادامز الموسم دا منسجم جدا وسعره جلو اوي ارخص من انجز بمراحل . عادي تختلف وتجيبه وتسيبه عندك 

🔸بلاش دفاع من ايفرتون يعني ماتشاتهم ممكن ميطلعوش كلين كمان دفاعيا مش احسن حاجه وفي فرق ماتشاتها احسن من كدا

لكن هجوميا جبارين .

🔸الكلين - اتوقع الاتنين كلينهم هيضيع 


🔸ابرز الخيارات :

كلفرت ، جيمس رودريجز لو لعب  ، انجز ، ادامز وبلاش حد من دفاع الفرقتين المباراه دى



4️⃣ارسنال & ليستر

🔸 ارسنال سجل 8 واستقبل 6 وطلع كلين 1 ، ماتشاته الجايه ليستر ، اليونايتيد ، فيلا ، ليدز ، الولفر . 

🔸#اوباميانج بصراحه يعني انت ازاي لسه سايبه عندك . حرام عليك 12 مليون وخساره ف سعر وبلاش جمله هييجي منه .

اوبا مش بقلل منه دا واحد من لاعيبه قليلة انا بعشقها فى البريمرليج وهو سوبر ستار وكفاية اقولك ان الموسمين ال فاتوا

كان من اكتر ال جابوا نقط ف اللعبه بس ف مركزه دا بصراحه بعيد عن الجون جدا وخطورته بتقل جدا كهداف وهو جناح .

بيعه وهات سترلينج - جايب 9 و 11 ف جولتين . 

🔸المدرب لو لعبه مهاجم والجناحين ويليان وبيبي وقتها ممكن تجيبه تاني بس متسبوش 5 جولات وداخلين ف السادسه .

#هتقولي طب ما سون لما بعناه بدع وكمان فيرنر ؟؟

ي جماعه سون معروف مكانه وانه هيبدع وفيرنر معروف انه بيلعب ف الجناح لحين عوده بوليستش والمصابين .

فمعروف ان كام ماتش وهبدا اشوف نقط . لكن اوبا بجد ارتيتا مموته فى مركزه دا  و12 مليون كتير بجد 

🔸فاردي دايما يسيب الدنيا كلها وييجي يسجل ف ارسنال 😃

المدرب قال مش هيلعب اليورياليج للراحه فعادي جدا تشوفه قدام ارسنال ويسجل بالتخصص 

بارنس نحلة في الملعب وخطير جدا عالمرمى وكتير بيبقي فمنطقة الجزاء كمهاجم تاني لاعب ديفرنشيال ومتوقع تالقه الفترة الجاية 

🔸 لو بتفكر فى حد من دفاع ارسنال فالوحيد اللي بيتقدم كتير بيليرين ولينو بيصد كتير دول بس اللي ممكن تعتمد عليهم الفترة

الجاية غير كده مفيش حد من دفاعهم 

🔸مفيش كلين واظن الاتنين هيسجلوا ف بعض بنسبة كبيرة

🔸ابرز الخيارات :

فاردي - بارنس - وللاسف مش قادر ارشح حد من ارسنال دلوقتى بس لسه الدورى طويل وعندى امل ارتيتا يرجعه

 لمركزة كرأس حربه صريح  



5️⃣  فولهام & البالاس 

🔸 فولهام سجل 4 ، استقبل 12 ، صفر كلين

🔸البالاس سجل 6 ، استقبل 8 ، كلين 1 ، عندهم ولفرهامثون ، ليدز ، بيرنلي 

🔸مبدايا كدا البالاس دفاعيا متماسك وماتشاته الجايه حلوه . من احسن الجداول ال ممكن تجيب منها مدافع .

خليك في جوايتا وبس لحد مايرجع انهولت للفورمه ممكن نفكر فيه

🔸ميتشيل . طول مهوا ف الملعب متبعوش ولعبه الماتش دا كمان . لما تبقي تشوف انهولت ف الملعب وميتشيل دكه وقتها بيع

او خليه دكه .

🔸في كلام ان انهولت هيمسك جبهه وارد وميتشيل هيكمل ف مكانه بس صعبه شويا ومش مقتنع بالكلام دا بصراحة 

🔸سيب ميتشيل وهات جوايتا لو بتفكر ف حارس

🔸الفرقتين عقمه هجوميا الا ان البالاس يعني بيعرف يسجل بمهارات بعض لاعبية الفردية 

🔸الكلين عادي جدا البالاس تطلع كلين الماتش دا وتكسب 1 / صفر . 

🔸بيع بقا متروفيتش واي لاعب عندك من فولهام - فرقة ميته اكلنيكياً 
 
زاها الوحيد فكريستال اللي بيقدم مردود هجومي وبيشوط ضربات الجزاء دة ممكن تفكر فيه من كريستال لو عاوز حد من هجومهم



6️⃣ ليفربول & شيفيلد

🔸مبدايا ماني مش مصاب وهيلعب . ماني من نوعيه اللعيبه ال بترجع وتجري ف كل الملعب فبيعمل مجهود ازيد من اللازم

ويدافع عكس صلاح مركز ع الجون . 

✅ صلاح وماني طلعوا ف الابطال ف الدقيقه 60 ويعتبر اكتر ال ريحوا وطلعوا بدري ف كل الفرق .

شيفيلد دفاعيا مش زي السنه ال فاتت كنا بنخاف ننزل حد قدامهم بالعكس صلاح خيار كبتنه كمان ممتاز للجولة دى 

✅ صلاح فايق اوووي حتي والليفر مهزوز دايما تلاقيه مبدع وفي الفورمه 

✅ لو لسه عندك ارنولد يبقي بتهزر بصراحه لاعب جايب ١٥ نقطه ف ٥ جولات بمعدل ٣ نقط ف الجوله وبالسعر دا حرام

متبيعهوش بالسالب لو عامل وايلد اخلص منه لو مش وايلد يبقى سيبه الجولة دي وخيار كابتن كمان لو بتفكر فى كابتن ديفرينشال 

✅لو لسه عندك ارنولد او روبرتسون سبهم بس الماتش دا متجيش تبعهم قدام فريق عقيم هجوميا زي شيفيلد

مع ان عادي كلينهم يضيع برضوا بس سبهم الماتش دا

✅زي مقولت الجولات ال فاتت ومن اول جوله روبرتسون هيكون مفيد اكتر من ارنولد السيزون دا بس برضوا

انا مدفعش ٧ ونص و ٧ ف لعيبه كلينها بقا من اضعف الفرق الدفاعيه 

✅ شيفيلد اي لاعب عندك بيع يا عواد بيييييع ومتدخلش لاعب منها خطتك خالص .

الفريق ميت هجوميا ودفاعيا ادعوا له فأنه يسأل الان .


🔸ابرز الخيارات :

ماني  وصلاح وارنولد او روبرتسون وقفل ع كدا

كلين ليفربول بنسبه كبيره المباراه دى ولو ضاع هيبقى بسبب لاعيبه الليفر نفسها مش تألق لاعيبه شيفيلد


7️⃣  بيرنلي & توتنهام

✅ بيرنلي طلع اول كلين شيت وهوبا تاركوسكي رجع وبوبي متالق اخر ماتش وبن مي رجع التدريبات وبكدة خط دفاع بيرنلي

الناري رجع تاني ...كل داااااا ولا يهز توتنهام لانهم فريق هجومى نااااار بتواجد سون وكين 

✅ مبدايا كدا توتنهام هتسجل ف اي حد لو استمروا بالاداء دا . ثنائيه كين وسون مش هتقف . وقولت لو تقدر ياريت تجبهم الاثنين

عادي جدا .

✅ سون وكين دكه ف اليورياليج ال هيتلعب حاليا ودا حلو جدا وراحتهم دي تحطهم خيار كبتنه ممتاز لو بتفكر فى حد فيهم 

✅بيرنلي دفاعيا بدا يظبط نفسه بس مش قدام توتنهام

بيرنلى فريق عقيم هجوميا مع بروميتش وفولهام وشيفيلد . 

✅ #ريجيلون الواد دا من افضل الباكات ال ف الدوري يعن تجيبه حتي لو مفيش كلين هيجبلك نقط حلوه جدا الفتره الجايه

لو عايز تبقي مختلف وهنا ينفع تقول اختلف مش هتضيعك اوي - لاعب بستمتع به جدا جدا 

✅ #بيل الناس ال عايزه بيل وتقولك اختلاف فلسه بدرى شويه لان بيل لسه رجله مش ثابته فى الملعب

وكمان من توتنهام فالاولي يكون  كين وسون . الناس مش مقصره معاكم .

#كلين_شيت لتوتنهام نسبته اعلى بكتير
 

🔸ابرز الخيارات :

كين وسون وريجيلون


8️⃣ برايتون & ويست_بروميتش

✅ برايتون فريق حلو وبيلعب كوره حلوه وبستمتع جدا بيهم . وهما ٣ لعيبه ال تجيبهم وتفكر فيهم من عندهم 

 موباي او تروسارد او لامبتي

✅موباي خيار حلو الجوله دي بس يعني مش لازم تتفلسف وتقولي هكبتنه . الجوله خياراتها حلوه وف الاحلي بكتييير

✅طارق لامبتي الواد دا حلو بجد وبيتقدم كتير رغم انه بدنياً قليل شويه 

✅ ويست بروميتش بلاش اى حد منهم الا لو هتجيب دى بروين الغلابه ( بيريرا )

✅ لو في كلين هيكون الاقرب برايتون بس مش مضمون اوي بس لو عندك لامبتي لعبه مفيش مشكله 



🔸ابرز الخيارات :

موباي تروسارد لامبتي وممكن بيريرا لو عندك لعبه 



9️⃣ الولفر & نيوكاسل

✅ بوديسني دا مقلب فانتازي ومش اللاعب ال تستني منه حاجه اخره ف الموسم كله ٥ او ٦ اهداف الا لو هيصنع

وبتكلم فانتازى مش واقعى 

✅ سايس من افضل اللعيبه فانتازي وضامن مركزه ولو عندك لعبه دايما . عمل اسيستين لبوديسني وضيعهم الماتش ال فات وجاب

جون واتلغي - باختصار هو اهم لاعب فى الولفز الموسم دا لحد دلوقتى 

✅خمينيز لاعب ممكن ف اي ماتش يجبلك نقط بس معدله من ٥ ل ١٠ نقط والواقع بيقول بلاش تكبتنه خالص

بس ساعات بيكون الواحد عاوز يعوض ويكبتنه ويتخوزق فى الاخر عادى جدا 

✅كيلمان اللى كل لاعيبه الفانتازى ب ٤ هو حلو مش وحش بس مارسال رجع ي جماعه وممكن تلاقوه دكه عادى جدا 

✅ نيوكاسل دفاعيا مش وحشه وما زالت متماسكه 

✅ويلسون بلنتيات هيجيب لكن ف خيارات احسن منه بنفس سعره

✅كلين شيت الاتنين ممكن يضيع بس لو حد اقرب هيكون الولفر لو عندك سايس لعبه لكن متلعبش ٢ دفاع منهم يا صديق 

✅ لو لسه عندك تراوري بيع يا عواد لانه بقى كارت رابح مش لاعب اساسى بشكل ثابت 
 

🔸ابرز الخيارات :

سايس خمينيز ويلسون 



🔟 تشيلسي & اليونايتيد

✅ فيرنر رجع مركزه خلاص وهيبدا يسجل ويجيب نقاط . عادي جدا يسجل ف اليونايتيد لو لعبوا ب 4 لاعبين فى الخط الخلفى بس

لو طبق فكر ارتيتا باللعب ب 5 مدافعين زى ما عمل فى مباراه باريس ممكن نشوف المانيو امثر تماسك دفاعياً ويبقى صعب يتسجل

 فيه اهداف . الواد الماتش ال فات اول مدخل مكانه مهاجم جاب جونين مجهود فردي وتحرك ممتاز . لاعب عالي بجد

✅ بوليستش لو عندك سيبه اوعي تبيعه حتي لو خيش الجوله ال فاتت هيبدا يدخل ف الفورمه وهتشوف منه نقاط حلوه

بس اصبر عليه

✅بلاش دبل من تشيلسي وسط ومهاجم او 2 وسط - فريق ميشجعش برضوا لسه .

 احنا بنستحمل معاهم لاعب بالعافيه . لكن لو التاني هيكون تشيلويل فخيار عظيييم

✅تشيلويل ما زلت بقول افضل دفاع غالي تجيبه وتستني منه كل جوله نقاط . حتي لو الكلين ضايع

✅ برجوع ميندي نسبه كلين تشيلسي هترجع بس مش قدام اليونايتيد طبعا اقصد الماتشات الجايه

✅هات تشيلويل وسيبه عندك ولعبه دايما - افضل حتي عندي من ارنولد حاليا 

✅ تشيلسي = تشيلويل وفيرنر وبوليستش وممكن زياش بس اصبر عليه لسه مدخلش فى فورمه ورتم الدوري الانجليزي

✅ اليونايتيد بالنسبالي راشفورد 

الوحيد ال خارج الروتيشن . اللاعب اوووون فاير الفتره دي ومن رايي افضل خيار تجيبه من اليونايتيد

افضل من برونو كمان

✅ تيليس قدام باريس عمل ماتش عالمي وبيتقدم ولو عايز  مدافع غالي وتاخد منه نقاط يبقي تشيلويل وتيليس وبعدهم ريجيلون 

✅ كلين شيت الاتنين هيضيعوا بس لو عندك تشيلويل او تيليس او بيساكا لعبهم

✅ هاتوا تيليس دا ع ضمانتنا الواد قدام هيعمل اداء فوق العظمه ومكسب كبير للمانيو 



🔸ابرز الخيارات :

راشفورد فيرنر تشيلويل تيليس برونو بوليستش


شكراً لكم .. والى لقاء قريب ان شاء الله

📝 ميزو ارسنالى 




***********************


***********************

Post a Comment

أحدث أقدم