نصائح الجولة الخامسة من الفانتازى وتحليل متكامل لمباريات الجولة الخامسة - Fantasy Expectations of the fifth round

نصائح الجولة الخامسة من الفانتازى وتحليل متكامل لمباريات الجولة الخامسة



نصائح الجولة الخامسة من الفانتازى وتحليل متكامل لمباريات الجولة الخامسة 

Fantasy Expectations of the fifth round

اهلا بكل زائرى موقع ايجى ستار 2020 اليوم سنقدم لكم تحليل متكامل عن مباريات الجولة الخامسة من الدورى الانجليزى

لكى تتمكن عزيزى القارئ من اختيار افضل اللاعبين المتوقع تألقهم فى الجولة الخامسة  مقارنة بسهولة او صعوبة الخصم

لكل لاعب 

1️⃣  ايفرتون & ليفربول

🔸 ايفرتون سجل 12 هدف . طلع كلين واحد واستقبل 5 اهداف

🔸 ليفربول سجل 11 هدف . طلع كلين واحد واستقبل 11 هدف 

🔸 اول اختبار صعب لايفرتون . طبعا زهقنا كلام عن كالفرت لوين لازم يكون عندك لاخر الموسم

اللاعب فايق ومركز وفورمة عالية . 

🔸 بشوف حاجه في لعيبه الفانتازي ان الفريق ال بيشيل نتيجه بيروحوا تاني جوله يجيبوا لعيبه قصادهم ويكبتنوهم .

يعنى بروميتش اما سجلت ف البلوز 3 . قالك تشيلسي ضايع  وراحوا جابوا زاها الجوله ال فاتت وكبتنوه و دا غلط

🔸 الفرقتين اقوياء والاتنين هيسجلوا ف بعض وهيبقي ماتش مقفل جدا جدا 

🔸ليفربول هيفضل فريق قوي جدا وانسوا نتيجه ال 7 من استون فيلا فكل مباراه وليها ظروفها

🔸 متكبتنوش حد من ايفرتون ودى نصيحة والقرار يرجع ليك 

 اه كلفرت بيسجل وممكن يسجل لكن بلاش كبتنه عشان اخره هدف دة اذا جابه فى مباراة ديربى زى دى

🔸 ليفربول هو صلاح خلينا واقعيين الوحيد ال فايق هجومياً برغم ال 7 الماتش ال فات الا انه جاب جونين 

🔸 لازم يكون عندك صلاح او ماني بشوف ناس بتقول كفايا ارنولد وهنجيب من الستي وارسنال وسط . لا مش متفق

لازملك حد من صلاح او ماني . وبرجح صلاح وتسيبه لاخر الموسم . 

🔸مش برجح موضوع ارنولد ومدافع غالي حاليا من الليفر .

الليفر دفاعيا مهزوز يعن ف اي وقت وقدام اي فريق ممكن الكلين يضيع

 لكن لو مصمم تجيب مدافع من الليفر خليك الموسم دا مع روبرتسون ولسه بوجود الكانترا هتلاقي جبهه روبرتسون ال شغاله

وهتشوف منه موسم حلو واسيستات واتوقع هيجيب نقط اكتر من ارنولد الموسم دا بس لازم يكون معاك واحد منهم

🔸طبعا ساديو ماني هيفضل خيار فانتازي . زيه زي صلاح وصرحوا انه تعافي وجاهز .

فسواء عندك ماني سيبه . متبعوش . عادي جدا جوله هيضيع وجوله هيفرحك جدا

من الاخر تجيب واحد منهم صلاح او ماني وتثبت عليه لاخر الموسم الا لو اصابة لاقدر الله

لانهم في الاخر النقط بتاعتهم بتبقي متقاربة جدا

🔸 ليفربول عنده ابطال يوم الاربعاء مع اياكس بس متخافش متوقعش روتيشن من كلوب كلوب عادي بيلعب بكل الجاهزين .

صلاح هيلعب  وماني متعافي وممكن يلعب  بس عادي يكون ع الدكه او يطلعه بدري وبالاخص انه بدانا نشوف جوتا

وجوتا هيبقي ال هيريح ماني وصلاح لو النتيجة فى صالح الليفر ومطمأنة لكلوب 

🔸ريتشا لحد دلوقتي سليم اللاعب شارك مع البرازيل وسجل هدف .

اللاعب كان اون فاير قبل اصابته مكنش يقل حاجه عن كلفرت لوين

 فبلاش موضوع ابدل ريتشا ب كلفرت دا ريتشا هيجيب نقط لو عندك سيبه لقدام هيفيدك اوووي

🔸 ابرز الخيارات

صلاحاو مانى روبرتسون او ارنولد كلفرت لوين جيمس رودريجز ريتشا


- نركز في حاجه اخيره :

ريتشا وجيمس ومينا وفيرمينو لعبوا  تصفيات امريكا فجر الاربع . ودول اكتر بعثه بتتاخر ف الرجوع من الدولى

لما انشلوتي اتسال عن خاميس قالك لو رجع مجهد هنقيم مقدرته ع اللعب فنتابع المؤتمرات

كمان فيه اصابة للوكاس دين خرج من ماتش الاخير لفرنسا د ٨٢ ننتظر برضو نشوف هيقول ايه فالمؤتمر عشان نطمن اكتر .


2️⃣ تشيلسي & الساوث

🔸 تشيلسي سجلت 10 اهداف .طلعت كلين وحيد  استقبلت 6 اهداف

🔸الساوث سجل 5 اهداف فقط  طلع 2 كلين واستقبل 6 اهداف

🔸 في البدايه كدا ال عنده فيرنر لسه . وناوي يبيعه . تعالي بس نكلم كلمتين بالعقل

اللاعب رخص عندك بقا ب 9.3 دا اولاً

ثانيا استحملته 4ماتشات مشكلتك انك كبتنته ودا متعب نفسياً اكيد بعد اللى قدمه

زياش_بوليستش الاتنين دول رجعوا يعنى بوليستش هياخد الجبهه وفيرنر هيخش مهاجم صريح خلاص كده

نصيحتى سيبه الجوله دي وشوف تشكيله تشيلسي صدقني لو لعب مهاجم صريح وبيلعبه ناس زي هافيرتز وزياش وبوليستش

هيعدي بجد وطبعاً كل واحد ودرجه صبره واكيد انك تصبر ع لاعب يوم ميعمل حاجه هيبقي مختلف عندك 

🔸 بلاااااااش 2 من تشيلسي وبالاخص لو وسط او وسط ومهاجم 

🔸 تشيلسي عندهم_فالابطال_اشبيليه 

هيبقي ماتش تقيل اوي عليهم . هيلعبوا سبت دوري وتلات ابطال 

طب نعمل ايه ؟؟

بصوا تشيلسي ترتيبه ف الدوري وحش مظنش هيريح حد هتلاقي كل اللعيبه بتلعب عادي فيرنر وزياش وبوليستش

بس بلاش تكبتن حد منهم خالص ودا ال مخليني مصمم ان فيرنر يتساب لان حاسس ان هيسيب ابراهام لماتش الابطال

وهيلعب فيرنر مهاجم صريح كمان ماونت هيسيبه للابطال بنسبة كبيرة لانه اجهد تماما مع منتخب انجلترا

توقعاتى ان ماونت واودوي وابراهام وممكن هافريتز ال يلعب الماتشين الا طبعا لو زياش مش جاهز فوقتها هيلعب ب ماونت

او لو فايز مرتاح هيسحبهم بدري فبلاش 2 من البلوز وبلاش كبتنه

🔸 الميزه الوحيده ف لامبارد ان مؤتمره واضح جدا يعن ال مش جاهز بيقولك مش جاهز

 وال هيبدا ع الدكه بيعرفنا قبلها يعن مفيش مفجات وشغل الفيلسوف جورديولا

🔸 بوليستش وزياش جاهزين طبعا الا لو في جديد ف المؤتمر بس زياش ممكن ميبدأش اساسي 

🔸 بفضل بوليستش عن زياش حالياً وطبعاً زياش لاعب عالي طبعا مفيش كلام

 لكن اقصد استني شوفه ماتش او اتنين وانسجامه مع البلوز انما بوليستش كان مبدع معاهم ومش جديد ع الدوري الانجليزي .

🔸 هافيرتز الواد دا موهوب اوووي وبالاخص لما رجع يلعب رقم 10 الواد دا ال لسه عنده يصبر عليه وميبدلوش ب زياش او

بوليستش هيبدا مع كميه اللعيبه دي يحركوا بعض وهنشوف سكورات حلوه لتشيلسي ومشاركه منه ف اهداف صناعه وتسجيل

🔸 هكلم عن لاعب كصفقة جديدة للثاوث وهو ثيو_والكوت اللاعب دا ب 5.8 والساوث جابه اعاره سنه فممكن مدرب الساوث

يلعب ب 4 3 3 وبالاخص ريدموند ووالكوت وانجز وساعتها هنشوف شكل تاني وممكن نشوف نقط حلوه منه عينكم عليه .

🔸 الساوث بدا يظبط نفسه دفاعيا شويا لكن ما زال مهزوز

🔸 انجز ما زال خيار ممتاز اي حد عنده حافظ عليه عادي . تحسه تخصص يسجل ف الفرق الكبيره حتي لو الساوث شال وخسر 

🔸 تشيلويل اظن سليم وهنتابعه من المؤتمر بقا دا لو حد سالني احسن مدافع اجيبه مين ؟؟ هقوله تشيلويل

اكتر مدافع حاليا ف اللعبه انا شايفه هيجيب نقط هجومياً الواد بيتحرك ف كل مكان تعريضاته مسطره وتشيلسي لعبتها واغلب اهدافها

بكرات راسيه هاته وهتاخد منه نقط كويييسه اوي بأذن الله 

🔸 مفيش كلين ولو عندك حد دفاع الساوث قعده دكه لكن لو انجز لعبه طبعا ولو ادامز لعبه 

🔸 لو ميندي حارس تشيلسي ملعبش . هقولك نسبه الكلين لتشيلسي اقل من المتوسط لان كيبا فاقد للثقه لسه 


ابرز_الخيارات :

فيرنر تشيلويل لو جاهز بوليستش انجز 



3️⃣ شيفيلد & فولهام

🔸 شيفيلد سجل جون وحيد اضعف هجوم استقبل 6 اهداف مطلعش ولا كلين . 

🔸 فولهام سجل 3 اهداف واستقبل 11 هدف 

🔸 مش عارف اقول ايه عن الفرقتين بس انا من رايي فضي فرقتك منهم خالص فريق عقييم هجوميا ومبقاش بالقوه الدفاعيه

ال معروفه قدام فريق ضعيف دفاعيا وحتي هجوميا متوسط

🔸بعد ما شوفنا فولهام ومستواه كفريق بلاش ميتروفيتش ازاي يعم دا هداف التشامبيون اكيد بس كفرقه عقيمه وبتوصل الكرة

للهجوم بصعوبة وفي خيارات احسن منه زى واتنكس وويلسون وموباي .

🔸 بروستر مهاجم شيفيلد ابو 4.5 لو ناوي تضعف واحد من المهاجمين وتصفره خالص هاته يمكن يبدا يلعب والواد كويس جدا

فى اخذ الاماكن ولعب هيسجل ف فولهام

🔸لو عندك اي لاعب من شيفيلد حتي لو الحارس طيره عندهم قدام الليفر والستي وتشيلسي خلى بالك 


🔸ابرز الخيارات :

مفيش خيارات ولا تجيب حد ممكن بروستر او بوركي لمجرد تصفر حد من الوسط او المهاجم بس مش اكتر 



4️⃣ البالاس & برايتون

🔸 البالاس سجل 5 اهداف واستقبل 7 اهداف وطلع كلين واحد 

🔸 برايتون سجل 8 اهداف واستقبل 10 وطلع كلين وحيد 

🔸 مبدايا كدا فان انهولت رجع . يعني نبيع ميتشيل لو عامل وايلد كارد مش فاهم يعني لاعب ب 4 مليون هتبيعه وتجيب مين .

لو مش عامل وايلد كارد يبقى سيبه والراجل كان مادي وعامل اسيستات والمدرب معجب بيه

🔸  كريستال فريق دفاعي قوي جدا ع ارضه

🔸نكرر زاها مش لاعب فانتازي وفي الف لاعب بنفس سعره احسن منه مش عشان زاها عشان البالاس من الفرق العقيمه هجوميا

عندك بارنس تروسارد جيرليتش ماونت وفودين كتييير احسن منه من وجهه نظرى والقرار ليك فى الاخر 

🔸 برايتون فريق بيلعب كوره حلوه جدا وبحب بشكل شخصى اتفرج عليهم عشان هما الموسم دا فريق هجومي 

🔸هيفضل احسن 3 خيارات ف برايتون طارق لامبتي تروسارد والنجم موباي طبعا بيلعب كل البلنتيات ال جايه بكثافه الموسم دا

🔸حتي لو برايتون كلينها مش اوي لو عندك طارق لمبتي لعبه عادي الماتش يخلص اصفار او واحد لاي فريق وممكن تطلع

باسيست منه 

🔸 لو عندك ميتشل لعبه لان برضوا البالاس عادي تطلع كلين ولو ملعبش ورجع انهولت هينزلك اول بديل بس لعبه لان ممكن يطلع

كلين او اسيست ويزعلك لو ركنته دكه 

🔸ابرز الخيارات :

عندك حد من دفاع الفرقتين لعبه طبعاً 

ممكن موباي وتروسارد  الفنان ولو لو عندك زاها لاعبه




5️⃣ بروميتش & بيرنلي

🔸 بروميتش فريق كدا ملوش طعم ولا شكل ولا لون مسجل 5 اهداف ومستقبل 13 اضعف دفاع لحد دلوقتي 

🔸 بيرنلي دفاعيا ظهر بشكل مفاجىْ لينا وفى اسوأ حالة سجلوا 3 واستقبلوا 8 ومطلعوش ولا كلين

🔸اتوقع مع رجوع تاركوفسكي الفريق هيظبط دفاعيا بس محتاجين شويه وقت 

🔸لو هتجيب حد يبقى بيريرا من بروميتش ومن بيرنلي الواد كريس وود بس 

لو عندك مدافع من بيرنلي لاعبه الكلين شيت وارد خصوصا باردسلي او تايلور سعرهم ٤.٥ و دفاع بيرنلي هيتحسن مع الوقت

🔸ماتش  بيريرا اللة هو افضل خيار للمباراه دى الواد ممتاز اوي لو عندك سيبه لاعب عالي اوي واداءه ممتاز

وهو فعلا دى بروين الغلابة زى ما بحب اقول عليه 



6️⃣ نيوكاسل & مانيونايتيد

 🔸 نيوكاسل سجل 6 اهداف واستقبل 5 وطلع كلين شيت واحد وماتشاته الجايه مش حلوه خد بالك 

🔸اليونايتيد سجل 5 اهداف بس واستقبل 11 هدف ومطلعش ولا كلين 

🔸في البدايه كدا المان يونايتيد هيلعب سبت مع نيوكاسل وتلات مع باريس سان جيرمان وسبت مع تشيلسي

 وبعدين لايزيج وبعدين الارسنال

🔸الاسئله ال  ف دماغكم نجيب مين من اليونايتيد ؟؟

مبدايا كدا .. مارسيال هيغيب ٣ ماتشات فدا هيدينا سؤال مين هيلعب مهاجم فى الدورى ؟

كافاني مش هيلحق ماتش نيوكاسل بنسبه كبيره وهيلحق ماتش باريس

طيب_حيرتنا بص ي سيدي توقعنا الشخصي كالاتي :

راشفورد مهاجم صريح الماتش دا ومن تحته جرينوود وممكن جيمس وطبعا برونو فيرنانديز لو خلص ازمه كرونا دى

وممكن نشوف فان دي بيك يبدا الماتش دا بنسبة كبيرة جداً 

الفلوس هتختار لاعب غالي ف الوسط خليك ف صلاح ودي بروين او سترلينج وبلاش برونو الفتره دي لان ال ١٠ ونص تقدر تجيب

حد ماتشاته احسن وفرقته مستقرة افضل 

لو مصمم تجيب حد من اليونايتيد بنرشح راشفورد لانه خارج الروتيشن وهتلاقيه ف الملعب دايما سعره ٩.٥

لاعب عالي اوي ولو فاق هيجبلك نقط اكتر من اي حد ف اليونايتيد خاصه مع تحولة لمهاجم فى غياب مارسيال 

بخصوص كافاني  لو ملحقش الماتش دا هيلعب ماتش باريس وتشيلسي وارسنال مهاجم صريح لحين عوده مارسيال

طب لما مارسيال يرجع والله ع حسب سولشاير عادي تلاقي كافاني بيلعب وبيسحبه بدري ويدخل مارسيال مهاجم

وممكن تلاقي كافاني والاطراف مارسيال وراشفورد عشان كدا بقولك لو هتجيب من اليونايتيد هات راشفورد

او كافاني بعد الماتش دا وابعد عن جرينوود لان هيحصله روتيشن وابعد عن مارسيال اكيد لانه موقوف

نيوكاسل فريق بحالات . دفاعي الي حد ما مقبول متجبش حد منهم الماتش داالا لو عندك ويلسون طبعا لعبه وخليه

ويلسون مهاجم كويس جدا وهتلاقي فريزر وسانت ماكسيمان بيلعبوه كويس ودفاع المانيو مسخرة لحد دلوقتى

لوعندك سانت ماكسيمان سيبه لكن متروحش تشتريه عشان عمل اسيست وجاب جون عادي يقعد كام ماتش ميعملش حاجه

مش اللاعب ال كل جوله هيبهرك واخر ماتش خرج مصاب فننتظر المؤتمر الصحفي بتاع الجمعه عشان نعرف هيشارك او لا

لو عندك دفاع من نيوكاسل قعده دكه

لوعندك حارس نيوكاسل لعبه الواد دا حتي وفريقه مهزوم بيعمل تصديات عامل ١٣ تصدي قدام توتنهام

نسبه_الكلين ضعيفه لنيوكاسل لان انا متوقع اليونايتيد هيكسب بشخصيتة ومتوسطه لليونايتيد لو عندك بيساكا لعبه

🔸 #تيليس الواد دا هيلعب ع لوك شو لانى شخصياً لو بلعب فى المانيو هلعب على لوك شاو دا

تيليس اسلوبة انه بيتقدم كتير و انا اتوقع هيظبط الجبهه دي وهيجيب نقط حلوه قدام عينكم عليه


ابرز الخيارات:

راشفورد . برونو . ويلسون وتيليس وركزوا مع راشفورد بكرر والله اعلم 



7️⃣ الستي & ارسنال

🔸الستي عندها بورتو الاربعاء ف الابطال عادي جدا هيلعب بكل لعبته وع فكره ميزه اما الابطال والكاس بيتلعبوا بنستفاد منهم

 مع الستي بالذات اننا بنشوف مين لعب كاس او ابطال 90 ومين كان دكه فبتساعدنا نوصل الي حد ما لل هيلعبوا ماتش الدوري

🔸الستي سجل 6 اهداف بس واستقبل 7 ومطلعش ولا كلين شيت

🔸ارسنال سجل 8 اهداف واستقبل 5 وطلع كلين وحيد 

🔸 دي بروين وسترلينج ؟؟ سترلينج مسافرش مع المنتخب عشان اصابه بس كل الاخبار بتقول انه جاهز 100% ومريح

انما دي بروين مش مصاب مجرد اجهاد يعنى هنلاقي الفترات الجايه دي بروين بيحصله روتيشن زيه زي بقيت لعيبه السيتي 

مبقاش محصن من الروتيشن لان دي بروين الاجهاد تملك منه واقرب فرصه المدرب هيقدر يريحه هيريحه . 

🔸اجويرو رجع التدريبات وخيسوس ع وشك معاه لاخر الشهر يعني ممكن جولة او جولتين وتلاقيه رجع

🔸لو عندك دي بروين او سترلينج سيبهم . متبيعش حد منهم لنهايه الموسم . اكتر لعيبه بتجيب نقط ف الفانتازي السيتي . 

🔸 اتوقع سترلينج هيبدا اكيد ودي بروين هيبدا برضوا ولو فايز هيبدا يسحبه بدري لو الماتش اتحسم

ديبروين بيشوط كتير جدا عالجون وماسك ضربات الجزاء وهو الخيار الاول في الفنتازي

ستيرلنج اقرب للجون بس بيضيع كتير وده بيطلعه غالبا برة البونص بس مازال خيار ديفرنشيال ممتاز ونسبة امتلاكه لسه قليلة

🔸اوباميانج كان مصاب قبل التوقف ومفيش اي اخبار عنه هنتابع المؤتمرات بس غالبا هيكون جاهز 

بس هو السنة دي بعيد عن الجون وتسديداته قليلة عالمرمى وخطورته قلت جدا بس برضو اوباميانج لاعب غير متوقع ممكن يسجل

جونين واسيست عادي جدا لانه نجم ارسنال الاول ومصدر خطورتهم (ربنا يحفظه :D )

🔸متكبتنش حد من الستي الماتش دا بالذات مش لقوه ارسنال بس عشان خاطر سترلينج ودي بروين بقوا محل شك

فى الروتيشين ولو هتكبتن يبقى رحيم اولاً ثم دى بروين 

الكلين اظن مفيش كلين لحد فيهم

ممكن جدا المؤتمرنعرف منه ان اجويرو جاهز وهيبدا ودا متخصص ارسنال زى دروجبا زمان كده للاسف  

لو هيبدا ب اجويرو هيبقي اجويرو سترلينج فودين وفودين خيار حلو بس لو هتجيبه سيبه لاخر الموسم واصبر عليه 

محرز فى الصورة بس مع جورديولا مفيش حاجه مضمونه .



8️⃣ توتنهام & ويستهام

🔸 توتنهام احسن فريق عجبني لحد دلوقتي ف الفانتازي .

🔸توتنهام سجل 12 هدف ودخل فيه 5 اهداف 

🔸ويستهام سجل 8 واستقبل 4 ودا معناه دفاهم متماسك وطلع 2 كلين

🔸ماتشاتهم الجايه حلوه عادي تجيب 2 منهم عادي جدا الفتره دي ف ظل وقعان اليونايتيد والستي

🔸افضل لاعب ف البرميرليج لحد دلوقتي هو هاري كين . افضل من كل ال ف اللعبه 

🔸هاري كين لو منصابش هتلاقيه اعلي لاعب ف الفانتازي جايب نقاط بنهاية الموسم وبشكل شخصى اكتر لاعب ندمان انى بعته

ومش عارف اجيبه تانى للاسف 

🔸 اللاعب سليم تماما ولعب ماتش الدنمارك كامل 

🔸 هكلم عن ديفيز اللاعب دا بقاله 3 ماتشات ف تصفيات اوروبا وف الدوري بيتقدم كتييير وبيكون ف منطقه ال 18 كتير

وصنع كذا جون فكر فيه وبالاخص ان ماتشات توتنهام حلوه كمان سعره ممتاز اوي

🔸 طبعا سون وكين متعه ما بعدها متعه عادي تجيبهم الاتنين وتنساهم لنهاية الموسم ومتغلطش غلطتى وتقول واحد منهم كفاية 

🔸لو مش عايز دبل من توتنهام هات كين وراشفورد 

🔸 ع الورق كدا الناس كلها تقولك بس خلاص هكبتن سون او كين ماشي بس ويستهام رخم اووي من الفرق ال ملهاش امان .

وافكركم ويستهام فازت ع الولفر 4 / 0 وبعدها على ليستر 0/3

🔸 نسبه الكلين معدومه لويستهام ومتوسطه لتوتنهام

🔸ويستهام لو هرشح منهم حد يبقى كريسويل الواد رجع لمستواه وبيعمل اسيستات كتير وممكن يفيدك وبالاخص ان دفاعهم حلو .

بس اصبر لما ماتشاتهم تحلو كمان عينك على بوين الواد دا معلم كوره وبيوصل للجون كتير وخيار حلو اوي


🔸 ابرز الخيارات :

هاري كين . سون . دافيز بس



9️⃣ ليستر & استون فيلا

🔸ليستر ستي سجل 12 هدف منهم 5 ضربات جزاء استقبل 7 وطلع كلين وحيد

🔸 الفيلا بصراحه مبدعه وبدايتها غير وفريق ممتع جماعياً سجل الفيلا 11 هدف واستقبلوا 2 بس من ليفربول وطالعين 2 كلين

🔸 هاتوا مينغس الواد دا بيتقدم وبيلعب براسه كتير وهتلاقيه بيسجل الفتره الجايه كمان دفاعهم متماسك اوووي 

🔸 واتنكس زهقنا كلام عليه الواد دا قناص لو شاط 4 كور ع المرمي هيسجل منهم 3 مبيهزرش افضل الخيارات بعد كلفرت لوين

🔸 جيراليتش بص لو هتعرف تجيب واتنكس احسن وبلاش دبل من الفيلا ميغركش 7 ليفربول كمان وسط الفيلا كل شويا تلاقي

واحد فيهم فايق مره مكجين ومره جيراليتش . لكن لو مش هتعرف تجيب واتنكس هات جيراليتش بس متستناش منه كل جوله نقط

🔸 ليستر ستي برغم انه هجوميا سجل 12 هدف بس لسه مش هو ليستر الموسم اللى فات حتي لو فاز ع الستي لسه بردوا
 
🔸فاردي قناص ف اي وقت وبيلعب الضربات الجزاء وف اي وقت ممكن يسجل من ضربه يعنى عندك يلعب اى متش وانت مغمض

🔸جاستن سيبه ومتبعوش لان الواد حلو وبيخش ال 18 كتير ولو عندك لعبه متقعدوش دكه

جاستن بس مهدد في حالة رجوع ريكاردو بيريرا الباك اليمين الاساسي 

فيه احتمالين ممكن يقعد جاستن دكه وممكن يلعب ب ٣ ورا جاستن سينوكو ايفانز ويلعب بكاستانيا وبيريرا اجنحة 

🔸 كاستانيا ظهير متميز جدا وافضل لاعب فى ليستر حتى الان وزتخصص بونص وبيزيد وبيشوط عالجون كتير ولو مجابش كلين

فرصته كبيرة يخطف جون او اسيست

🔸 الماتش دا هيبقي ممتع واتوقع الفرقتين هيسجلوا وهنتفرج على كورة 


🔸 ابرز الخيارات:

فاردي . بارنس كاستانيا. واتنكس . مينغس 



 🔟 ليدز & ولفرهابتون

هيبقي ماتش حلو ع فكره وفيه كورة ومتعه 

🔸ليدز سجل ف كل ماتشاته  سجل 9 اهداف واستقبل 8 وطلع كلين وحيد

🔸 الولفر سجل 4 ، استقبل 7 وطلع 2 كلين

🔸محدش يسالني عن لعيبه الولفر وموضوع كرونا ومعسكر المنتخب بس لعيبه البرتغال لعبوا كلهم بعد اصابه رونالدو

وكلهم كانوا تمام اظن الفرقه هتكون جاهزه

🔸الماتش دا الفرقتين هيسجلوا بنسبه كبيره 

🔸دفاع ليدز مش اقوي حاجه . برشح من الولفر خمينيز وسايس لان ماتشات الولفر الجايه جميله ويعتبر اسهل جدول

🔸ليدز هجوميا حلو جدا بس هقول تاني وسطهم كلهم بيجيبوا اجوان يعن كل جوله هتلاقي لاعب ظاهر ولاعب مختفي

هاريسون بقا كوستا مبرشحش حد من وسطهم وميزه كيليتش الوحيده الضربات الجزاء

🔸عندك بقا بامفورد ما زال خيار ممتاز وثابت نفسه ومحافظ ع مكانه

🔸الكلين شيت ان كان اقرب هيكون للولفر دا ان الاتنين مسجلوش

🔸ابرز الخيارات :

انجز سايس بامفورد بس

شكراً لكم .. والى لقاء قريب ان شاء الله

📝 ميزو ارسنالى 


***********************


***********************

Post a Comment

أحدث أقدم