نصائح الجولة الثالثة من الفانتازى وتحليل متكامل لمباريات الجولة الثالثة

 

نصائح الجولة الثالثة من الفانتازى وتحليل متكامل لمباريات الجولة الثالثة

نصائح الجولة الثالثة من الفانتازى وتحليل متكامل لمباريات الجولة الثالثة

Fantasy
Expectations of the third round


اهلا بكل زائرى موقع ايجى ستار 2020 اليوم سنقدم لكم تحليل متكامل عن مباريات الجولة الثالثة من الدورى الانجليزى

لكى تتمكن عزيزى القارئ من اختيار افضل اللاعبين المتوقع تألقهم فى الجولة الثالثة مقارنة بسهولة او صعوبة الخصم لكل لاعب 


1️⃣ برايتون & اليونايتيد  ✅✅


🔸اليونايتيد كالعاده وبدايه الموسم بتكون سيئه جدا بس بنتوقع ان اليونايتيد هيقدم ماتش حلو بجد

وهيكون لعيبتها خيار ممتاز الماتش دا بس مش كبتنه بلاش .
 
المباراة دي غالبا هتكون انطلاقة اليونايتد الحقيقية واتوقع تالق راشفورد ومارسيال

الدفاع لسه مش متظبط لو معندكش مدافع منهم استنى لحد مانشوف قدرات الفريق الدفاعية الفترة اللي جاية

🔸برايتون دفاعيا متماسك جدا جدا ممكن يرخم ع اليونايتيد 

 بنسبه كبيره اليونايتيد هتفوز بس مش سكور عالي ومتعرفش مين ال هيسجل . 

🔸توقعنا ان المدرب هيلعب ب راشفورد مارسيال جرينوود اساسيين الماتش دا يعن جرينوود هيلعب بنسبة كبيرة

🔸نسبه كلين شيت متوسطه لليونايتيد واقرب لعدم الكلين شيت

🔸توقعنا لل هيتالق الماتش دا راشفورد .

وبقول تاني نجيب منهم بس بلاش كبتنه الماتش دا 

🔸لامبتى ظهير هايل دينامو في الملعب وبيتقدم كتير وفنتازيا ممتاز ب ٤.٥

وبرغم انه طلع شبه مصاب الماتش ال فات بس اصابه خفيفه عادي جدا هتلاقيه ف الملعب

🔸في لاعب مهم جدا وسعره حلو تحطه فالwatch list وتتفرج عليه هو تروسارد صانع اللعب بيلعب فمركز ١٠ .

بيلعب جنب موباي وخطير وممكن ف اي وقت يعملك حاجه حط عينك عليه دايما بيشوط عالجون وفنيا عالي


2️⃣ ويست_بروميتش & تشيلسي✅✅


◾هيكون من افضل ماتشات الجوله ف النقط وكل ال باع فيرنر هيندم عليه بأذن الله :D

🔸تشيلويل هيلعب الماتش دا وتياجو سيلفا واحتمال نشوف بوليستش  . 

🔸فيرنر خيار كبتنه ممتاز و اول هدف هيسجله ف الدوري هيكون الماتش دا ان شاء الله .

وبعد ما جورجينو ضيع البلنتي الاخير ممكن عادي تلاقي فيرنر ماسك ضربات الجزاء توقع مش اكيد

🔸كلين شيت شبه مستحيل لويست بروميش بس تشيلسي ممكن جدا تعمل كلين شيت رغم سؤ دفاعها وعشان كده فى نسبة ان

بروميش ممكن يخطف جون

⛔ اهم اللعيبه فيرنر ، جيمس مدافع البلوز تشيلويل لو هتجيبه لقدام خيار فوق الممتاز وهتاخد منه اسيستات بشكل ممتاز

 لو عندك هافيرتز اصبر عليه اللاعب معنوياته عالية جدا ولسه مسجل هاتريك في الكاس ولامبارد ابتدى يفهمه ولاعبه فمركز ١٠

المركز المفضل ليه وانتظروا هافيرتز الجولات القادمة. ✅


3️⃣ كريستال بالاس & ايفرتون ✅✅


◾مش هكلم كتير عن ايفرتون لاننا شوفناه فريق مركز ولعبته كويسه جدا

وفريق ممتاز ومن اكتر فرق الدورى استقرار فى المستوى فى اول جولتين

🔸دفاع كريستال برغم الاصابات متماسك جدا وخصوصا ع ارضه ⚠️

🔸كلفرت لوين خرج ف الكاس ف الدقيقه 46 اظن للراحه مش اصابه بس هنتابع المؤتمرات✅✅

🔸لوكاس دين قل نسبه خطورته لان الضربات الثابته والضربات الركنيه انسحبت منه وبقا يلعبها جيمس رودريجز
بالتبادل معاه ↗️

🔸 زاها متنغرش فيه هو دايما ف بدايه الموسم بيعمل ماتشين حلوين عشان يجيله عروض

يعنى عادي جدا تلاقيه نايم 6 ماتشات قدام ع ما هيطلع بجون

بس السنة دي محور لعب الفريق ولاعب مهاري جدا وممكن يجيب بلنتي ويلعبه 

🔸نسبه الكلين شيت لايفرتون فوق المتوسطه يعن ممكن يطلعوا كلين 🙏

🚨🚨متكبتنش حد من ايفرتون فى الجولة دى 🚨🚨

 🔸متلعبش دفاع من كريستال الماتش دا

ال عنده ريتشا يحتفظ بيه الواد اون فاير ولسه لما الكوره هتظبط معاه .

اكتر من بيسدد ع الجون كل جوله . ومسجل جونين ف الكاس  واستمر بيه حتي لو هيلاعب فريق قوي  .

🔸 افضل الخيارات ريتشا . جيمس رودريجز . كلفرت لوين   ✅


4️⃣ توتنهام & نيوكاسل ✅✅

سون متألق ولاعب جوكر لكن مش هنشوف السوبر هاتريك بتاعت سون كل جوله . فكل ال جري يجيب سون يصبر عليه

عادي لا يتألق فى جوله ويبدع ال بعدها 

🔸برغم ان سون جاب سوبر هاتريك الا ان دفاع الساوث كان فاتح الملعب زي ماتشهم امام ليستر لما خسروا 9 .

فمتستنوش ان نيوكاسل تشيل سكور وتفتح الملعب لان نيوكاسل فريق تكتلي ومعروف بكدا بره ملعبة .

 كمان كين كان بمهاره فرديه بيعمل كور ع رجل سون قدام الجون يعن سون مقدمش كامل مستواه لسه . 

🔸برشح الماتش دا هاري_كييين . الواد فايق وعمل ماتش عالمي قدام الساوث وبنرشحه خيار كبتنه مع فيرنر 

🔸دوهتري لو لسه عندك ممكن تصبر عليه شويا بس متتوقعش كلين من توتنهام .

الفريق اي حد ممكن يسجل فيه . غير متجانس بالمره دفاعيا . 

🔸سانت ماكسيمان تائه ضائع لا يستحق سعره حتى الان وقولنا كدا بعد اول جوله

اللاعب نزل تحت اووي وبقا كارول وويلسون قدام وفريزر هيبدا يلعب وممكن جدا نشوفه دكه فيما هو قادم .

🔸احتماليه الكلين ضعيفه لتوتنهام 👉👉

🔸عندك كالوم ويلسون سيبه ولعبه عادي  ⚽


5️⃣ بيرنلى & الساوث ✅✅


🔸في قلبين دفاع ف بيرنلي مصابين .

 بين مي وتاركوسكي وبيلعب دلوقتي ب لونغ و دان  . هتقوليلي عارفين ايه الجديد .

الجديد ان بن مي اصابته مطوله جدا . ف لما يرجع تاركوسكي . ممكن يريح لونغ مش دان لانه كبير ف السن .

دان لاعب شاب وعمل ماتش حلو قدام ليستر و ب 4 مليون يعن خيار ممتاز اما يكون عندك مدافع من بيرنلي ب 4 😉

🔸كريس وود فايق اوي وب 6.5 وهتشوف منه نقط حلوه ف ماتشات بيرنلي السهله ✅ ⚽

🔸برغم هزيمه بيرنلي قدام ليستر الا ان بيرنلي هتفضل من افضل الفرق الدفاعيه يعن فعلا عادي تلاقي كلينات ف ماتشات كتير 

🔸الساوث شكله حلو جدا هجوميا برغم الهزمتين ال انهزمهم لجد دلوقتي بس ع فكره الفريق بيلعب كوره حلوه .

 مستنيين نشوف قوتهم الدفاعيه ال غايبه لحد دلوقتي 🙋‍♂️🙋‍♂️ 

🔸هكلم عن ادامز وانجز ... #ادامز قدام توتنهام شاط 4 كور منهم 2 ع المرمي وصنع فرصتين .

#انجز شاط كورتين ع المرمي بس وسجلهم 

انجز خطير ويسجل على اى دفاع فلو عندك يلعب اساسى طبعا 


6️⃣  ليفربول & ارسنال✅✅


🔸الناس ال بتجري تشتري جوتا وال رايح يجيب الكانترا . كلاهما لعيب ممتاز تكتيكيا لكن مش لعيب فانتازي .

الليفر يعني 4 ، ماني صلاح ارنولد روبرتسون . وفي كلام ان كلوب هيلعب جوتا قدام بدل فيرمينو

وفيرمينو هينزل تحت الثلاثي ماني جوتا صلاح . لكن ما زال كلام واظن كلوب جايب جوتا بديل ليهم مش اكتر .

فهيفضل ماني صلاح هما الخيار الافضل غير كدا بنضحك علي نفسنا  👉👉

🔸بنتوقع صلاح هيجيب نقط كويسه الماتش دا وهيسجل وهيبقي خيار كبتنه ريسك 

🔸دفاع ليفربول ما زال غير متماسك حتى الان .

ازاي يعم دول خرجوا كلين قدام تشيلسي . تشيلسي انطرد منها لاعب وكمان ضيعت ضربه جزاء و ب 10 لعيبه

كانت ممكن تضيع كلين الليفرفكلين متتوقعش وعادي انك تلاقي الارسنال مسجل وممكن يبقي ماتش مفتوح للفرقتين

🔸ارتيتا ال كسب الليفر اخر ماتشين . 

🔸وطبعا زي ما عارفين قواعد الفانتازي اللعينه . اننا لما بنبيع لاعب بيتالق .

فعادي جدا انك تلاقي اوبا مسجل الماتش دا جون او جونين . انا بصراحه بنصح نستني عليه الجوله دي بس

وبالاخص لل رايح يبيعه بالسالب . انتم بتكلموا ازاي ي جماعه . ايون دي بروين عالمي وخيار احسن مليون مره مقارنه بالمباريات

القادمة  وارسنال فعلا عنده ماتشاتها صعبه . انا بقول نسيبه الجوله دي بس .

بلاش تندم انك بعته ومدتوش فرصه  . قبل ما تبيع لاعب وتقول هجيب غيره .

متفكرش ال هتجيبه هيجيب كام . فكر ال هتبيعه دا ممكن يندمك ولا 

🔸الماتش ممكن يبقي مفتوح وتلاقي اجوان من الفرقتين وال عنده صلاح واوبا ممكن ياخد احلي نقط من الاتنين 

توقعنا مفيش كلين الماتش دا للفرقتين 

صلاح وماني لازم يكون في فرقتك واحد منهم

ارنولد وروبرتسون مقدموش حتى الان اوراق اعتمادهم وسعرهم غالي لو معاك حد منهم لاعبه

واديله فرصة دول لاعيبة كبيرة وهيسخنوا مع سخونه الماتشات وانصح بواحد منهم حاليا وخصوصا ارنولد


7️⃣ السيتي & ليستر_ستي✅✅



🔸مبدايا كدا الناس ال داخله اللعبه جديد هنقولكم نصيحه والقدام بنفكرهم بيها .

الستي اي لاعب ممكن يريح . اي لاعب بيجيب نقط . دا ازاي دا ؟؟

يعني سواء جبت سترلينج . جبت دي بروين . ال تجيبه تنساه لاخر الموسم . نظام دي بروين لم يتألق فى جولتين

 وسترلينج مبدع اجري جيبه او سترلينج ضايع بيعه او دي بروين مش موجود طيره كدا انت متلعبش فانتازي وامسح اللعبه .

الستي يعني تجيب لاعب او اتنين وتنساهم وهيجبولك نقط . ايا كان اسم اللاعب . فريق كله بيسجل .

فريق مسجل فوق ال 100 جون . فودين سترلينج دي بروين وغيره وغيره كلهم جابوا نقط السنه ال فاتت طبعا

مع افضليه دي بروين 👉👉

اخر الموسم فارق النقط بيكون طفيف

🔸عادي انك تعمل دبل للعيبه الستي وتسيبهم لاخر الموسم وصدقني هتاخد توتال كويس منهم .

الدبل دا واحد من سترلينج ودي بروين ... مع فودين . ولو فودين ريح ماتش متبعوش . فودين يلعب ماتش ويريح التاني

لكن هتلاقيه توتال جايبلك نقط افضل من كل ال 6.5 واظن المدرب هيعتمد عليه الفتره دي .

والروتيشن طايل الكل . كله هيريح . كله هيلعب . كله هيجيب نقط . 

🔸ليستر ستي فريق مش ضعيف فهيبقي ماتش قوي بس الستي هتكسب  👉👉

🔸نسبه كلين شيت متوسطه للستي ممكن يطلعوا كلين  👉👉

🔸بنرشح من الستي 3 ، سترلينج دي بروين فودين او محرز لو ابتدى اساسي

🔸اصابه بيريرا امبارح اعلنوا انها مطوله يعن لاخر 10 يعن جاستن مكمل معانا 4 جولات كمان اقلها محدش يبيعه  🤝🤝

🔸ركزوا مع لاعب ليستر الجديد ب 6 مليون كان بيلعب ف روما وبيلعب مكان بيريز ف الملعب .

واتوقع اول ميبدا اساسي مش هيفارق الملعب وهيقعد بيريز  . هيبقي فاردي بارنس واوندير وماديسون . ✅✅

فاردي شغال معاك حلو لو فيه بلنتيات غير كدة متنتظرش منه كتير

ركزووووا ف خطه الستي ف الكاس انهارده اوي لان ال بيريح بتعرف ان مليون ف الميه اساسي فى الدورى 


8️⃣ شيفيلد & ليدز✅✅



🔸شيفيلد برغم الهزيمتين الا انهم مش سيئين دفاعيا . ازاي يعني !! .

ايون اول ماتش اول 10 دقايق نزلوا مخضوضين معرفش في ايه استقبلوا جونين وبعدها ظبطوا نفسهم دفاعيا لاخر الماتش .

الماتش التاني طرد ايجان ولعبوا ب 10 لعيبه وكانوا هيطلعوا كلين  . 

🔸ال عنده رامسدال يسيبه ويديله فرصه الفريق لو رجع دفاعيا وظبط نفسه احسن فريق تاخد منه كلين شيت .

ادوله فرصه كمان  

🔸ال محتار بين #كوستا #كيليتش #هاريسون . فانا هقولك مميزات كل لاعب .

كوستا افضلهم بياخد الملعب كله جري وبيوصل للجون كتير ولمسته ف منطقه الجزاء اكتر .

كيليتش ميزته ماسك الضربات الجزاء .

هاريسون اقلهم ال الكل جري جابه اول جوله . اللاعب فين وفين ع ما هيعمل حاجه . 


⛔ نسبه الكلين هتكون اعلي ل شيفيلد . ✅

عندهم مدافع هيلعب مكان ايجان اسمه جاك روبنسون ودة ب ٤ ونص ومدافع كويس جدا يعنى دفاع شيفيلد مش هيتاثر كتير

بغياب ايجان

- بامفورد محدش يخاطر ويقولي هكبتنه ايه رايك . وال يقولك هخاطر .

بطل جو الاستهتار دا ف الف لاعب ف المضمون متخاطرش قدام شيفيلد  . في اي وقت ممكن تطلع كلين


9️⃣ فولهام & استون فيلا✅✅



🔸برجح كفه استون فيلا . ما زلت بقول ع مهاجم استون فيلا اولي واتنكس الواد دا هيتالق وهيسجل الماتش دا وهو لاعب عالي

بجد نفس ستايل خمينيز وما زلت بقول افضل ال ب ٦ مليون

🔸في لاعب تعاقدوا معاه اسمه تراوري استنه لحد ميبدا اساسي وهاتوه لاعب عالي اوي وكل ماتش هتلاقيه بيجيب اسيست

او جون هيلعب مهاجم تاني وهيتالق 👉👉

🔸نسبه كلين ضعيفه للفرفتين بس لو حد طلع كلين هيكون استون بس برضوا ضعيفه 👉👉

🔸الحارس مارتينز ب ٤.٥ الحارس دا افضل ال ف سعره . حارس متالق . بيعمل سيفز كتير جدا .

ممكن يطلع كلين في بعض الماتشات . دفاع استون فيلا مش وحش متماسك

🔸ال عنده ميتروفيتش يسيبه مع ان فريق فولهام ميشجعش هجوميا وهفضل اقول ف الف خيار احسن من مترو

بس الماتش اللي فات لما ابتدى اساسي كانت تحركاته مميزة وكمان بيشوط ضربات الجزاء دة يخلينا نستنى عليه

لو عندك لاعبه وتابعه واديله فرصته معندكش متشتريهوش فيه خيارات احسن بسعره 

دفاع فولهام مفيش عندنا اي ترشيحات لكن براين باك شمال الفريق متميز وبيزيد كتير وهو اللي جاب ضربة الجزاء

الماتش اللي فات وبيشوط ضربات ثابته عنينا عليه بعد متابعتنا ليه اول ماتشين يستحق انه يتحط فال

watch list


 🔟 ويست_هام & الولفر



🔸 عكس ما الكل متوقع ان الولفر هتطلع كلين . لا . انا بقول ويست هام هتسجل

🔸خمينيز دا لاعب في اي ماتش ممكن يجيبلك نقط بس متكبتنوش ابدا طول ال ٣٨ جوله

ازاي يعم دا خمينيز . اتفق وافضل لاعب ف السعر دا ويسجل ف اتخنها فرقه . بس اخره دابما من ٥ ل ١٠ نقط .

متتوقعش منه الهاتريك. دايما جون او اسيست ويوم ما بتفتح جونين ودا نادر

🔸ال عنده اداما تراوري يصبر عليه . سميدو جه وهيلعب اساسي وتراوري هيرجع مركزه المفضل 

هيبقي روتيشن بين تراوري ونيتو

ومع توقيع مع كوستا هيبقي معاهم ويودسني . يعن خيارات كتير قدام

🔸فيناجري لو لسه عندك سيبه . مارسال اصاب واظن هيبدا يلعب الماتشات الجايه الا لو المدرب اتغابي وودي ترواري شمال !!

بس اظن فيناجري هيلعب قيمه ٣ ماتشات اقل حاجه ع ما مارسال يلعب

الاتنين هيسجلوا ف بعض ومفيش كلين

من ويستهام لو معاك بوين او انطونيو لاعبهم وارد جدا يخطفو هدف وميستاهلش انك تغيرهم بالسالب ولو مش عندك متروحش

تشتري حد من ويستهام الفترة دي لان متشاتهم صعبة جدا .

شكراً لكم .. والى لقاء قريب ان شاء الله




***********************


***********************

Post a Comment

أحدث أقدم