نصائح الجولة الثانية من الفانتازى وتحليل متكامل لمباريات الجولة الثانية

 

نصائح الجولة الثانية من الفانتازى وتحليل متكامل لمباريات الجولة الثانية


نصائح الجولة الثانية من الفانتازى وتحليل متكامل لمباريات الجولة الثانية

اهلا بكل زائرى موقع ايجى ستار 2020 اليوم سنقدم لكم تحليل متكامل عن مباريات الجولة الثانية من الدورى الانجليزى

لكى تتمكن عزيزى القارئ من اختيار افضل اللاعبين المتوقع تألقهم فى الجولة الثانية مقارنة بسهولة او صعوبة الخصم لكل لاعب 


1️⃣ ايفرتون & ويست_بروميتش ✅✅


ايفرتون فريق قوى في كل المراكز👌👌 . ويست بروميتش ضعيف جدا . 👎👎

🔸️عندك كالفيرت ريتشا جيمس  خيارات ممتازه للجوله👉👉

 🔸️وكمان احتماليه كلين شيت عالية لايفرتون🥊

 🔸️. افضل الخيارات لوكاس دين او بيكفورد 👌👌

🔸️او مايكل كين لو عاوز ديفرنشيال ب ٥ مليون مدافع صلب ومغناطيس بونص👍👍

مبارايتهم القادمة ممتازه ✅

🔸️والفرقة معنوياتهم عالية بعد الفوز على توتنهام 😎😎وواضح ان طموحهم عالي السنة دي وناويين يكونوا في التوب 6

عادي جدا تجيب 2 من ايفرتون في الوسط والهجوم ودفاعهم كمان لو تحب 😍

ويست_بروميتش متجبش منها اي حد لحد مانشوف هيظبطوا نفسهم ولا هيستمروا فالاداء السيء ❌❌


- 2️⃣  ليدز & فولهام ✅✅


🔸️ليدز فريق كويس جدا هجوميا وبيلعب لعب مفتوح 

ولعب ماتش مفتوح قدام ابطال الدوري مابالك وهو بيلعب قدام فولهام😉😉

 🔸️لو عندك هاريسون يلعب اساسى

🔸️وياريت يكون عندك دالاس او ايلينج لان عندهم نزعه هجوميه وتوقعي انهم هيقدموا حاجه الموسم دا وكمان في احتماليه للكلين

شيت وكمان ممكن تجيب الاتنين👌👌

🔸️كليتش لاعب ممتاز وبيشوط ضربات الجزاء فبرضو فالwatch list وعنينا عليه

🔸️بامفورد عندي عليه تحفظ بسيط ان خطة المدرب بيلعب بمهاجم واحد وبديله تقيل مهاجم اسبانيا رودريجو واتوقع مداورة تقيله

مابينهم ومش هتعرف هيبتدي بمين وصعب حد فيهم يلعب ٩٠ دقيقة 😢

فولهام سيئه جدا جدا في اول مباراة❌❌

🔸️بس برضو كانت قدام فريق تقيل زى ارسنال منتسرعش في الحكم عليهم هتظهر امكانياتهم الحقيقية في الماتش الجاي قدام ليدز 👍👍

 اللي عنده ميتروفيتش يديله فرصه قصيرة ماتش او اتنين👉👉

 بعديها لو مفيش اداء يحاول يتخلص منه 🙋‍♂️🙋‍♂️

🔸️ممكن بديل ل ميتروفيتش اوليكس مهاجم استون فيلا وهنشوفه الجولتين اللي جايين 

او تزود نص مليون وتجيب ويلسون تزود مليون وتجيب كلفرت لوين👌👌

متجبش حد من فولهام لو معندكش حد❌❌


3️⃣ مان يونايتيد & كريستال بالاس ✅✅


🔸️الناس اللي بتجري تشتري لعيبه من اليونايتد  زي برونو دا طبيعى جداً . 👌👌

🔸️برونو عالمي ف الفانتازي وهو كل حاجه لليونايتيد فاولات تلاقي ضربات جزاء شغال كورنرز ميقولش لا👉👉

🔸️والناس ال بتبدل #اوبا ب #برونو او #سون  #براشفورد  .

ممكن تاجل التغيير الجوله الجايه افضل لحد متتفرج ع شكل اليونايتيد .👀

🔸️ بس برونو عمتا كويس لقدام👉👉
 .
 🤷‍♂️خد بالك سون واوبا ممكن يبدعوا الجوله الجايه فيستاهلوا تصبر عليهم زي مقولنا كريستال مش هياخدوا سكور اوي يعني🤷‍♂️

🔸️بس ال ناوي على غير برونو . زي راشفورد او مارسيال او جرينوود يستنوا لان متعرفش سولشاير هيبدا بمين ولو ان مارسيال

وراشفورد غالبا اساسيين 🔥🔥

الكلام على جرينوود مع انه رجع التدريبات وجاهز بس وارد جدا يكون دكة لتقليل الضغط الاعلامى عليه بعد الاخطاء الاخلاقيه التى

وقع فيها اللاعب فى معسكر المنتخب الانجليزى الاخير ⚠️

🔸️ارشح كمان تجيب مدافع من اليونايتد مبارياتهم القادمة سهلة وفيها كلين شيت كتير✅✅

 هات بيساكا مغناطيس بونص وساعات كتير بيتظبط معاه اسيستات🅰️

او ماجواير اساسي دايما وبيلعب براسه كويس وعنده فرصة يخطف هدف⚽️

 كريستال مش خصم سهل ومنظم دفاعيا وبان كدا قدام الساوث  .


4️⃣ ارسنال & ويستهام ✅✅


🔸️ويستهام دفاعيا مهزوز جدا . سهل جدا ان ارسنال يعمل قدامه سكور .

عشان كدا لو عندك اوبا نصيحه سيبه الماتش دا وخيار ممتاز للكابتن©️

🔸️ويليان اثبت كفاءة عالية وانه جاهز بدنيا وفنيا الرجل بيلعب مركز ١٠ وموجود في كل هجمة وتهديد عالي عالمرمي

واعتقد هيكون مفاجئة الموسم دة 🔥🔥

🔸️ ويستهام فريق ظهر اول جوله ضعيف جدا متجبش منهم حد .

 لو عندك انطونيو او بوين عادي لعبه بس حاول تتخلص منه الجولات الجايه المباريات القادمة صعبة جدا  لويستهام وجدولهم صعب

ولاعيبتهم هترخص كتير🔻🔻


5️⃣ الساوث & توتنهام ✅✅


🔸️اصبر علي كين وسون ودوهيرتي⁉️

.🔸️ اللي عنده انجز يصبر عليه بما انك تمتلكه الان  .✔

🔸️  سون وكين يستحقون فرصة لانهم ممكن يعملوا حاجه وبالاخص انهم مهزومين اول ماتش واكيد هيحاولوا يعوضوا ويدخلوا في

سباق المنافسة🔥🔥

 ☢ودايما اللاعيبه التقيله متتسرعش في تغييرهم لانهم هيجيبوا نقط وعلى المدى الطويل هتلاقي المردود بتاعهم بيعلى مع تدرج المباريات🔺️🔺️

من المتوقع ان مفيش كلين للفرقتين لان ساوثهامبتون هتقفل الماتش وعندهم مهاجم خطير انجز

 بس ممكن يعني بنسبه ضئيله جدا توتنهام تطلع كلين شيت🤝


6️⃣ تشيلسي & ليفربول ✅✅


🔸️تشيلسيصاحب الصفقات الكثيره لم يقدم اداء مقنع امام برايتون الجوله الماضيه .

ولكن كان اغلب اللعيبه اما مصابه او غير جاهزة بدنيا . 👉👉

🔸️ساتحدث فقط عن هارفيرتز :

🔸️في مباراه برايتون لم تظهر له اي ملامح هجوميه لان لامبارد دفع باللاعب لوفتيس تشيك وكان هو من يتقدم . وكان هارفينز

كلاعب ديفندر .

🔸️ زي بالضبط لو تفتكروا بيب لما لعب دي بروين ينزل يستلم الكوره من قبل نص الملعب . قلت خطورته تماما في مباراتان . 

🔸️انصح ال عنده هارفينز يتقل عليه شويا لان مع عوده المصابين وجورجينو وكانتي سيكون هارفينز بمقام اللاعب رقم 10

وهنا ستظهر خطورته واهميته فانتازيا . 

🔸️اما اذا استمر لامبارد بالدفع به بهذه الطريقه سيصبح دون فائده تماما 

🔸️زياش تشيلويل غير جاهزين لمباراة ليفربول❌

🔸️بوليستش فيرنر لا اخبار عن اصابتهم ولكن اصابتهم خفيفه . 

🔸️توقعنا ان بوليستش وفيرنر سيكونون جاهزين للمواجهة 

◾ليفربول . صلاح ذو الشهيه المفتوحه ودائما يحب التسجيل في البلوز ويستغل نقطة ضعفهم في الدفاع وحراسة المرمى . 

🔸️اما دفاع الليفر فظهر مهزوز وارنولد غير مركز بالمره وغير جاهز بدنيا . 

🔸️فلو عندك صلاح اوعي تبيعه وتستصعب الماتش عادي كيبا ودفاع البلوز برضوا مهزوزين وصلاح احتمال تسجيلة وارد جدا

🔸️ولو عندك ماني برضو سيبه هيتالق ومتقيمش اداؤه من ماتش واحد الرجل الموسم الماضي اول ماتش جاب نقطة وبعديها انفجر

واداؤه كان افضل من صلاح في الجولات الاولى

⛔احتماليه الكلين ضعيفه للفرقتين . اهم اللعيبه صلاح ومااااني من الليفر. فيرنر بوليستش لو جاهزين من البلوز✅

بس لو عندك ارنولد او روبرتسون او فان دايك لاعبهم ممكن يخطف اسيست او هدف وسط الزحمة😉

وكذلك لو عندك جيمس لاعبه 😉

ماهو انت مش جايب مدافع دافع فيه دم قلبك عشان تقعده دكة🙄🙄

اللاعيبه دي كبيرة ووارد جدا تتالق في المتشات الكبيرة😍


7️⃣ الولفر & الستي✅✅


◾دائما ما يقع بيب في فخ نونو سانتو او كما نحب منادته بمصر مختار مختار الكورة الانجليزية

الولفر ظهر اول مباراه بدفاع قوي جدا ومتماسك 👉👉

🔸️لكن امام هجوم شيفيلد وهو  ضعيف غير مؤثر 

بس دفاع ولفز بوجود الثلاثي بولي سايس كوادي ومن خلفهم باتريشيو دفاع صلب يصعب اختراقه⚠️

🔸️عندك خمينيز لعبه الرجل بيجيب هدف من نص فرصه مهاجم تقيل وبيشوط ضربات الجزاء ✅✅

🔸️عندك دفاع من الولفر قعده دكه غالبا مفيش كلين للولفز😥
ال هيجيب دي بروين . دا فكر مش وحش . دي بروين من اللعيبه ال بتجبها وتنساها طول الموسم .

🔸️ بس لو دي بروين بدل اوباميانج . لا اصبر ع اوبا الماتش دا لان الولفر مش فريق سهل وممكن تخسر نقط اوبا

ودي بروين يخيش ممكن تاجل التغيير دة للجولة الجايه👉👉

🔸️اجويرو فيه كلام انه هيبقي جاهز لماتش الولفز بس المداورة بينه وبين خيسوس مع البيب غير متوقعه فمبدأيا نبعد عن اجويرو

وخيسوس لحد مانشوف طريقه اللعب🙏

🚨🚨هكلم عن لاعب الاغلب مبيحبوش رحيم سترلينج .🚨🚨

 رحيم كعبه عالي ع الولفر . ممكن تغامر بيه كلاعب ديفرنشيال .©️

 🔸️رحيم الموسم ال فات اول ماتش خطف هاتريك محترم ومن بعدها مشوفناهوش .

🔸️ رحيم أنهي الموسم ال فات بفورمه فوق الخيال وكان فانتازيا من اكتر اللعيبه المفيده

وكان شوال نقط وتفوق على ديبروين فالنقط في فترة مابعد الكورونا✅

 🔸️بس نفس الكلام ينطبق لو عندك اوبا لا بلاش تبيعه .

لكن لو هتعرف تجيب دي بروين او سترلينج بدون ما تبيع اوبا او صلاح. عظمه 😎😎

🔸️الكلين نسبه اقل من المتوسطه ان الستي يطلع كلين 

لو عندك دي بروين او سترلينج بلاش يكبتنه 

🔸️انا رايي نصبر ومنجيبش حد من السيتي الجولة دي لحد مانشوف فكر بيب وتوظيفه فالملعب للاعبين ونختار اللاعيبه الجاهزة

بدنيا وفنيا والاكثر فائدة فانتازيا✅✅


8️⃣ نيوكاسل  & برايتون


🔸️ماتش مقفول جدا بلغة الكورة 🚫🚫

🔸️عادي جدا انك تلاقي الماتش دا خلصان صفر صفر . او 1 / 1 ويضيعوا كلين بعض  . 

🔸️مش الماتش ال فريق يسجل كتير . 

🔸️عندك دفاع من اي منهم لعبه . 

🔸️عندك طارق لامبتي لعبه . 

🔸️عندك ويلسون لعبه يمكن يخطف جون بس ميتكبتنش لان ف ناس بتقول نخاطر والكلام دا👉👉

🔸️نيوكاسل في اول مباراة ظهر فايق جدا وكان ضاغط على ويستهام طول المباراة وشوفنا جمال لويس بيتقدم كتير وبيصنع فرص

وعنده فرصة يخطف اسيست ويلسون مهاجم تقيل بمعنى الكلمة قاعد جوة الصندوق ومش بيهدى قبل مايجيب هدف ⚽️

🔸️لو عندك سانت ماكسيمان اديله فرصة يثبت نفسه الماتش دة بعد ماخيب املنا اول جولة💔💔

🔸️برايتون اول ماتش ليه كان صعب مع تشيلسي وكان هيخطف نقطه التعادل لولا براعة رايس جيمس😎😎

🔸️برايتون فريق دفاعى بحت بيلعب عالمرتدات🚫

🔸️لامبتى ظهير هايل دينامو في الملعب وبيتقدم كتير وفنتازيا ممتاز ب ٤.٥🤝🤝

🔸️في لاعب مهم جدا وسعره حلو تحطه فالwatch list وتتفرج عليه هو تروسارد صانع اللعب بيلعب فمركز ١٠ ودايما بيشوط

عالجون وفنيا عالي✅✅



9️⃣ استون فيلا & شيفيلد 🔥🔥


🔸️استون لسه مشوفنهاش بس ظهر ف الماتشات التحضيريه حلو . 😉

🔸️في لاعب قولنا عليه مهاجمهم اولي واتكينز ب 6 مليون .

 الواد دا بيسجل من اقل فرصه . احسن من كل ال بسعره✅ . يقدر يخطف جون في اي وقت . ⚽️

🔸️هكلم عن تريزيجيه . دا انقذهم الموسم ال فات والمدرب بيريحه ف الكاس والودي .

كنا بنقول ممكن عادي جدا تلاقيه اساسي وخيار حلو مش وحش ب 5.5

بس تعاقدوا مع تراوري لاعب ليون ودا ممكن يفقده مركزه😥 

🔸️بس استني ماتشين كدا اتفرج عليهم🙋‍♂️🙋‍♂️ 

🔸️جاك جريليش جدد عقده وخلاص استقر مع استون فيلا واعتقد تركيزه هيبقى عالي جدا السنة دي مع الفرقه وسعره كويس ٧

مليون يستاهل نحطه فال watch list ومع وجود مهاجم بيخلص زى واتكينز هيعملو دويتو هايل وهنستفيد فنتازيا باهداف

واسيستات من ده ل ده⚽️🅰️

🔸️متجبش حد من دفاع الفيلا . ممكن تجيب مارتينز لما ماتشاتهم تبقي كويسه 👉👉

🔸️شيفيلد ظهر وحش جدا ف اول ماتش . شيفيلد الفريق صاحب الكلين السهل اصبح صيد سهل 💔💔

🔸️عندك دفاع منهم لو في خيار احسن قعده دكه لكن لو مفيش لعبه عادي جدا . ممكن يظبطوا نفسهم 🙄🙄

🔸️وسط او هجوم من شيفيلد بلاش لحد مانشوف هيعتمد على مين ويتحسن قدرة الفريق الهجومية🙋‍♂️


1️⃣0️⃣ ليستر & وبيرنلي 🔥🔥


🔸️ليستر فريق مأقنعنيش هجوميا المره ال فاتت الفريق كان بيلعب قدام ويست بروم ومخلقش فرص كتير.

🔸️عاشقي فاردي يلعبوه عادي جدا دا بيسجل ف اي حد  وضربات الجزاء وناوي على فاردي بارتى تقيل الموسم ده♥️

🔸️ متجبش وسط من ليستر بيريز وماديسون لسه مدخلوش الفورمة وواضح انهم لسه مش جاهزين❌

🔸️بارنس كان بيحاول ونحطه فال watch list👉

🔸️عندك جاستن  او كاستاني  او سينوكو لعبهم
احتماليه فوق المتوسطه لكلين ليستر عادي ✅

🔸️بيرنلي هجوميا مش اد كدا 😉😥

🚨دفاع بيرنلي الموسم ال فات تميز بالقوه اووي لكن مين عارف يمكن يعملوا زي شيفيلد🙄

 🔸️بس عمتا بيرنلي من اهم الفرق الدفاعيه ولو هتجيب هات بيترز او تايلور او باردسلي

بس افضلهم بيترز لاعب حلو وهيطلعلك باسيستات و ب ٤.٥🔥

🔸️بوب وتاركوفيسكى غاليين اوي ب ٥.٥ 

🔸️هجوميا كريس وود watch list الرجل دة فعال جدا عالمرمى وبيشوط ضربات الجزاء وديفرنشيال كويس ب ٦.٥ بس

بيرنلي متشجعش هجوميا بالاخص ان ويلسون كويس واولي مهاجم استون افضل منه✅

شكراً لكم .. والى لقاء قريب ان شاء الله




***********************


***********************

Post a Comment

أحدث أقدم